მესტიის თამარ მეფის სახელობის აეროპორტმა ძველი კლასიკური ავტომობილების რბოლას უმასპინძლა.
ავტორალიში მონაწილე 29 ავტომობილი მეორე მსოფლიო ომის შემდგომი და ასევე ომამდელი წარმოებისაა. ყველაზე ძველი 1922 წლის გამოშვება Vauxhal-ია ხოლო ყველაზე ,,ახალგაზრდა“ 1951 წლის გამოშვება იაგუარი.
მესტიის აეროპორტის ასაფრენ ზოლზე განლაგებულ 29 უნიკალური ავტომობილის მძღოლებს წესების მიხედვით, თვალახვეულებს ბარიერისთვის უკუსვლით უნდა შემოევლოთ და გადაეკვეთათ ფინიშის ხაზი, მიმართულებას კი მათ ე.წ. შტურმანი კარნახობდა.
კლასიკური ავტომობილების რბოლა სახელწოდებით ‘’Peaks of the Caucasus“ საქართველოში 12 დღის განმავლობაში გაგრძელდება.
უნიკალური რბოლის მონაწილეები საქართველოს თითოეულ კუთხეს მოივლიან და ჯამში 2250 კილომეტრს დაფარავენ.